蕃茄洋蔥炆雞翼

雞脾之前成日食，最近有時改買雞翼，🍊好鐘意，仲好friend咁叫佢做“阿翼”😂(留言有片)
呢味餸酸酸甜甜，🍊食得津津有味😋

雞翼13隻(連大人份量，吉食左2隻)
蕃茄5個
洋蔥1個

1)3隻雞翼剪開成單骨雞翼(以識別為bb食)bb雞翼用香草醃、大人雞翼用豉油(1茶匙)同生粉(半茶匙)醃，各自醃30min或以上
2)蕃茄切件，洋蔥切條備用
3)落少許油於易潔鑊，將大人bb雞翼一齊兩面煎香，再落蕃茄及洋蔥，再加5湯匙水，加蓋大火滾起後轉中小火煮7min，再轉最細火煮10min，便可取起bb食的份量於另一煲內，加少少糖(可不加)，再加半茶匙生粉水埋獻，ok!!剩下的大人份量再加調味(2湯匙茄汁+1湯匙喼汁+1/4茶匙糖)，再加1茶匙生粉水埋獻，ok😆!!

白汁雙椒海鮮長通粉

🍊平時唔食甜椒，落左去煮粉，就只食淨4條長通粉，其他所有野清晒~😆

紅椒黃椒各1/3隻
蝦6隻
帶子1粒
西蘭花4小棵
長通粉適量
蒜頭2粒
洋蔥約30-40g
牛油少許
奶粉2匙
芝士適量(可不加)

1)長通粉煮熟備用，蒜頭、洋蔥切碎備用
2)西蘭花洗淨蒸熟，切出花的部分備用
3)蝦及帶子洗淨並用廚房紙抹乾，落少許胡椒粉撈均，下易潔鑊將蝦及帶子略煎，盛起備用
4)慢火落牛油，將蒜頭及洋蔥炒香，再落紅黃椒略炒，然後加約100ml水，大火滾起後轉中小火煮約5min，落蝦及帶子再煮5min，落西蘭花碎、長通粉、奶粉、芝士，最後加少許面粉水埋獻，ok!

原個椰皇燉鮮奶蛋白😍

繼原個南瓜飯，今次黎原個椰皇🤣不過🍊已經有種見慣大場面既感覺唔覺出奇😅

椰皇1個
椰皇水100ml
蛋白2隻
鮮奶100ml
糖6g
(可自行減糖，不過我覺呢個味岩岩好係微甜)

1)用菜刀斬開椰皇底部，將椰皇水倒出備用，用1個飯碗盛載椰皇，然後將熱水注入椰皇內預熱
2)用細火將鮮奶煮至微熱，然後加入糖攪拌，糖溶後便可放涼備用
3)蛋白加入椰皇水攪拌，然後慢慢加入鮮奶中攪均，再過篩備用
4)倒走椰皇預熱的熱水，便可將鮮奶蛋白倒入椰皇內，蓋上錫紙中火蒸30min，熄火焗15min，ok!!

開椰皇:
先把頂部尖的部分切掉，反轉並用毛巾墊在枮板上防滑，椰皇的底部是較薄較脆，用菜刀45度角斬下去，圍住圓圈咁斬幾下就可開到
(🙈我覺得有d驚，所以交左俾吉爸斬，我覺得都要幾大力同有d危險咁(不過吉爸好似好易求其斬幾下就搞掂😂)，大家自己斬要小心安全喔!!!)

芝士蕃茄蛋包飯🍅🍳🍚

 好愛雞蛋既🍊，見到蛋包飯，有眼前一亮既感覺😆係咁食係咁食~

蕃茄1個
洋蔥少許
蒜頭1-2小粒
芝士適量
蛋1隻
1)蕃茄十字，放在滾水煮3-5min去皮，然後切小件備用
2)鑊下油，爆香蒜蓉及洋蔥，然後落蕃茄，加約60ml水，大火煮滾後轉中小火煮8-10min，最後加生粉水埋獻及加芝士待溶後撈均，ok~
3)慢火並加蓋將雞蛋煎至金黃及全熟。將適量蕃茄醬汁與飯撈均，將煎蛋舖在飯面，然後用筷子將煎蛋的左右攝在飯的下面，ok!!
(於留言中，放左未食之前既完整蛋包飯相)

芝士肥牛焗大啡菇

平時好鐘意食蘑菇既🍊，今次就試下食大啡菇🤤

大啡菇1個
肥牛2片
洋蔥少許
芝士隨意
大啡菇用濕紙巾抹乾淨，肥牛洋蔥切碎，放在啡菇上，再舖上芝士，放入已預熱200度的焗爐焗15min，ok!
*大人食果個就在菇及肥牛上灑上蒜鹽就ok
*肥牛可以改用碎牛肉3z(只係因為我屋企有肥牛我就用肥牛😂)
🍊想當漢堡包咁咬😂😂，不過其實成個食佢係咬唔到，最後我都係切片咁俾佢食🤣同其實芝士焗左有d硬，所以我都係剪碎俾佢食

菠菜汁三文魚翠玉瓜字母粉

一開始食既時候，🍊好疑惑咁望住碗粉仲話驚，應該心諗:“咁既色，乜黎”，我打定輸數以為佢唔食，我放左一啖入佢口，佢就係咁食🤣!!食左大半碗~今日我再整菠菜汁粟米雞肉長通粉，佢食晒一碗!!

菠菜大約85g
三文魚扒大半塊
翠玉瓜隨意
芝士7g(按自己喜好)
奶粉兩匙
字母粉隨意

1)字母粉煮熟，三文魚加檸檬汁蒸熟，將1/3三文魚整碎備用
2)煮滾130ml水，加菠菜大火煮滾後轉中小火煮熟約4-5min，然後倒入攪拌機打成菠菜蓉。
3)菠菜蓉倒回落鑊，開小火，加入奶粉撈勻，再加入翠玉瓜、三文魚碎及芝士攪拌，加入半茶匙生粉水煮至自己想要的稀杰程度，熄火上碗，上面再放三文魚件，ok!!

紅菜頭蕃茄汁三文魚長通粉

蕃茄酸酸，紅菜頭同蘋果蓉甜甜，酸酸甜甜超開胃，🍊食到中途要轉用手食!(唔知係咪嫌匙羹不得太慢😂)(留言有影片)

紅菜頭35g
蕃茄1個
合掌瓜隨意
三文魚半塊
新鮮蘋果蓉1/4個
1)長通粉煮熟備用
2)紅菜頭去皮切粒，用120ml水煮15min，倒入攪拌機攪成紅菜頭汁備用
3)合掌瓜去皮切粒、三文魚洗淨加檸檬汁，蒸熟備用
4)蕃茄在表皮輕輕十字，放入水中煮幾分鐘，撈起去皮，切小件
5)紅菜頭汁倒回鑊中，中小火加入蕃茄及合掌瓜煮幾分鐘煮淋蕃茄，最後加入蘋果蓉及長通粉，再落半茶匙生粉水煮杰少少，熄火上碗，三文魚放粉上面，ok!

*紅菜頭係好味，但食到發生血案一樣😅，所以!我用左舊既飯衣!!平時用開白色既飯衣要迴避一下😂😂

芝士三文魚南瓜菜碎蛋餅

🍊感冒左一個多星期都未好…一直唔敢開焗爐焗野…佢胃口亦唔係咁好🙁出動佢最鐘意既🍳!見到佢左右手一齊食，媽媽好開心😭👏😆😆
(其實我好鐘意整蛋餅，因為好方便，蒸晒d野加蛋煎就搞掂)🤣

雞蛋1隻
三文魚隨意
南瓜隨意
菜碎隨意
芝士隨意
abc粉1湯匙
低筋麵粉1至1.5湯匙(視乎材料多少)

1)南瓜切小粒、菜切碎、三文魚(落幾滴檸檬汁)，蒸熟備用。abc粉煮熟備用。
2)芝士切碎備用
3)雞蛋打均，落所有材料及麵粉攪均，落少許油在易潔鑊再用抹手紙抹均，倒入蛋餅液，細火將兩面煎香(第一邊約5min，第二邊約3min，中途加蓋)，ok！

*材料份量真係好隨意~落得多就落返多d麵粉就ok
*材料款式都好隨意，我仲試過落雞肉、紅蘿蔔、西蘭花碎

蕃茄洋蔥炆雞翼

雞脾之前成日食，最近有時改買雞翼，🍊好鐘意，仲好friend咁叫佢做“阿翼”😂(留言有片)
呢味餸酸酸甜甜，🍊食得津津有味😋

雞翼13隻(連大人份量，吉食左2隻)
蕃茄5個
洋蔥1個

1)3隻雞翼剪開成單骨雞翼(以識別為bb食)bb雞翼用香草醃、大人雞翼用豉油(1茶匙)同生粉(半茶匙)醃，各自醃30min或以上
2)蕃茄切件，洋蔥切條備用
3)落少許油於易潔鑊，將大人bb雞翼一齊兩面煎香，再落蕃茄及洋蔥，再加5湯匙水，加蓋大火滾起後轉中小火煮7min，再轉最細火煮10min，便可取起bb食的份量於另一煲內，加少少糖(可不加)，再加半茶匙生粉水埋獻，ok!!剩下的大人份量再加調味(2湯匙茄汁+1湯匙喼汁+1/4茶匙糖)，再加1茶匙生粉水埋獻，ok😆!!

白汁雙椒海鮮長通粉

🍊平時唔食甜椒，落左去煮粉，就只食淨4條長通粉，其他所有野清晒~😆

紅椒黃椒各1/3隻
蝦6隻
帶子1粒
西蘭花4小棵
長通粉適量
蒜頭2粒
洋蔥約30-40g
牛油少許
芝士適量(可不加)

1)長通粉煮熟備用，蒜頭、洋蔥切碎備用
2)西蘭花洗淨蒸熟，切出花的部分備用
3)蝦及帶子洗淨並用廚房紙抹乾，落少許胡椒粉撈均，下易潔鑊將蝦及帶子略煎，盛起備用
4)慢火落牛油，將蒜頭及洋蔥炒香，再落紅黃椒略炒，然後加約100ml水，大火滾起後轉中小火煮約5min，落蝦及帶子再煮5min，落西蘭花碎、長通粉、芝士，最後加少許面粉水埋獻，ok!

香蕉蛋黃糕(製作只需3分鐘)

香蕉蛋黃糕(製作只需3分鐘)
懶媽料理又黎~真係超級易整~所以我成日整🤣

香蕉大半條
蛋黃1個

香蕉壓蓉，加蛋黃撈勻後倒入模內，放入已預熱至180度的焗爐焗10-12min，ok!!
*如果想軟身d就加多d香蕉，想實身d就少d香蕉

(原來呢個我無寫食譜，所以而家補寫放上黎，自己做紀錄😂)

葡汁雞翼 + BB菠蘿炒飯

食譜:葡汁雞翼 + BB菠蘿炒飯

今日有朋友黎食飯，我整左個泰式晚餐😋
而家🍊長期覺得隔離飯香，成日都嘈住要食我食緊既野，為左唔想佢嘈嘈閉，我就整左一set:
“🍊🍊泰國菜”😂😂😂
🔹️菠蘿炒飯
🔹️葡汁單骨雞翼
🔹️生菜包
🔹️串燒雞牛豬
一開餐吉好開心😂從未見過咁新奇既晚餐!!每樣野都好心急拎黎試~🤭

當中我推介菠蘿炒飯同葡汁雞翼，但生菜包同串燒我就唔推介😂因為生菜包…吉一食就皺眉，輕輕咬左兩下生菜就say no😂串燒我只用左蒜頭醃2個鐘就焗，雞食晒，牛食左一半，豬食唔到😂

🐔葡汁單骨雞翼:
感謝 #唯唯媽與唯尼b 食譜提供，我再跟據自己喜好作出調整😊，製作清淡版，吉好鐘意，食完自己d雞翼仲想食大人版果d😑

材料:
雞中翼2隻
(我連大人份量一齊煮，所以一開始係煮12隻)
南瓜少許
蕃薯一小碌
合掌瓜少許
調味料:
蒜蓉1粒
有機黃薑粉 (我用細孔鄧左8下)
椰漿兩湯匙
1)雞翼解凍洗淨印乾，中間剪開，用蒜蓉醃30min
2)蕃薯、南瓜及合掌瓜去皮切件備用
3)鑊落少少油，將雞翼兩面煎香備用
4)鑊落少少油，將蕃薯及合掌瓜略炒，加水剛蓋過材料，大火煮滾後轉中小火煮10min，加入雞翼、南瓜及黃薑粉煮10min，加椰漿煮滾，ok!!
*我係連大人份量一齊煮，做完(4)盛起吉要食既份量後，我就再加多d黃薑粉同椰漿

🍍BB菠蘿炒飯
材料:
新鮮菠蘿1/3個
飯大半碗
新鮮蝦5隻
雞上脾肉少許
雞蛋1隻
蒜頭1粒
黃薑粉少許(我用細孔鄧左4下)
咖喱粉少許(我用細孔鄧左1下)
1)雞上脾肉前一晚洗淨切粒用鮮橙汁醃一晚
2)將菠蘿打直切去1/3，菠蘿果肉用小刀和匙羹刮出後再切粒(吉用1/3，大人版用2/3)
3)蝦去腸洗淨切小粒，用少少胡椒粉醃10min備用
4)蒜頭切成蓉，鑊下少少油，炒香蒜蓉下雞肉及蝦炒香至9成熟，盛起備用
5)鑊下少少油，雞蛋炒至半熟，加入冷飯，炒至粒粒分明，加入咖哩粉和黃薑粉炒香，雞肉和蝦回鑊同炒，最後加入菠蘿略炒，ok!!
*切出菠蘿粒後，大人版用淡鹽水浸半小時，會更甜
*飯我係中午煲好放雪櫃雪三四小時後再用黎炒
*炒飯的食材可隨個人喜好加減，自由配搭
*大人版我再加入腰果及肉鬆及調味料
*刮出菠蘿後，菠蘿會有少少出水，用紙巾印乾底部的菠蘿水才放入炒飯(但其實我怕吉倒瀉，佢不左兩下我就拎走菠蘿，將d飯倒返入佢碗😂

芝麻雙色蛋糕

低筋麵粉20g
冰雞蛋1隻
糖5g(可按喜好減糖)
配方奶5g
黑芝麻粉6g
油2g(我用煮食的葡萄籽油)
*份量4杯

1) 蛋黃與油撈均，加入配方奶攪拌，再篩入麵粉撈均，同時焗爐預熱160度
4) 蛋白用打蛋器打至粗泡時加入糖，然後打至企身(反轉碗也不會流下來，我打了大約2分半鐘)
5) 將1/3的蛋白霜倒入蛋黃糊輕輕力撈均，然後將蛋糕糊倒回入餘下的2/3蛋白內輕輕撈均
6) 將蛋糕糊倒入模中至3分滿，然後蛋糕糊篩入黑芝麻粉輕輕攪拌，將芝麻蛋糕糊倒入剛才的模中至8分滿
7)放入焗爐焗15min，熄火焗2min，用牙籤或筷子插入蛋糕中，取出沒有蛋糕糊痴住便ok!!
*每人焗爐火力不一樣，要間中觀察一下有否烤燶

Risotto~南瓜蝦肉意大利燴飯

對住唔鐘意食飯既🍊，整到一餐佢會自己狂不黎食既飯，我開心到真係好想開支香檳黎慶祝🤣🍾

 南瓜150g

白米50g

牛奶150ml

水100ml

新鮮或急凍蝦3-4隻

粟米粒40g

洋蔥25g

蒜頭一粒

無鹽牛油5g

 1)南瓜與粟米先蒸熟，南瓜用叉壓成蓉，與100ml牛奶撈均備用。粟米切出粟米粒備用。

2)易潔鑊細火落牛油，落蒜蓉略炒，再落洋蔥略炒，然後落蝦及粟米粒略炒。

 3)加入白米、牛奶南瓜蓉，水100ml撈勻，大火煮滾後轉中小火煮8min，再加50ml牛奶繼續煮多7min，中途經常攪拌以免痴底，米熟透後，我便轉中火煮至想要的黏稠(我再煮多3min及不停攪拌)，ok!!

*每款米的吸水情況可能略有不同，如太乾水中途可再加入奶或水，煮的時間亦看情況自行調整。

*蝦我無特別用邊款，因前兩日係Aeon買左越南急凍蝦，我就用呢款😂

雞蛋餅(無油)(製作簡單，只需10分鐘)

蛋黃2個
粟粉7g
糖5g(可自行減糖)

焗爐預熱180度。用電動打蛋器將2隻蛋黃微微打至起泡後，加入糖以高速繼續打發至淡黃色並有紋路(我大約打了4分鐘)，篩入粟粉，再用低速打發約30秒，然後再用刮刀撈均(因兜的周邊會有粟粉黏住打發不到)，蛋黃糊倒入吱袋/密實袋(密實袋下方的角剪大約7mm)，於牛油紙上吱出一個
個圓點，圓點之間要預留膨脹空間，放入已預熱180度的焗爐焗8min後，再待5min後才取出~ok!如果食唔晒，可放涼後立即放入密封食物盒保存，保存兩三天，盡快食用。

小技巧:
我發覺吱圓點時要快快手，因圓點會有少少散開，如果慢慢吱的話，吱到一半時，前一半已有d圓點散開痴住隔離🙈所以要快，趁佢未散開就要放入焗爐，同最好每個圓點只吱一下，咁就平滑靚仔d，我吱好晒之後仲剩幾ml蛋黃糊，我就在之前幾粒補吱幾下，焗完似兩個圓點上下叠住😂

BB版粟米班塊

粟米同魚都係🍊既至愛之一，粟米班塊令佢ko左大半碗飯~~~🤤😆
班腩一舊(可用魚柳)
粟米一條
露筍幾條
蛋半隻
蒜頭2粒
牛油3g
芝士4g
配方奶100ml
1)魚洗乾淨，先用薑葱蒸熟，備用
2)粟米切件蒸熟，用刀將所有粟米粒切出，一半放入攪拌機，再加入100ml配方奶開機攪拌成粟米蓉。
3)蒜頭刴成蒜蓉，開細火下牛油，將蒜蓉炒香，再落露筍略炒，然後將(3)的粟米蓉及餘下半條的原粒粟米落鑊大火煮滾，再轉中火煮5-7min，煮至露筍淋，便可加芝士煮溶及半隻蛋做蛋花，再加半茶匙生粉水煮至杰身成汁，加已蒸熟的魚輕輕撈均，ok!!
*加芝士因為我無落鹽，所以要加少少芝士俾d咸味佢
*我今次用班腩，個樣我影相放係留言，但…我其實唔知佢叫乜魚😂因為係吉嫲買既，班腩呢個名係我改俾佢既🤣🤣用佢煮就會硬淨d，肉無咁易散，但其實用超市既魚柳都可以

牛油果蛋沙律飛碟

早前經過12蚊店，買左呢個飛碟三文治器，又幾好用喎😍😆
今日午餐要去一個無餐枱既地方食野，所以我就只帶三文治，呢個用具又唔會令d餡流晒出黎，又唔會好似飛碟機咁熱氣，又易整，夾埋大力壓幾下個邊，就變左漲卜卜既🥑牛油果蛋沙律飛碟🤤

牛油果蛋沙律食譜:
牛油1/4個
蛋1隻
配方奶30ml
雞蛋凍水落煲烚10min，剝殼然後將蛋白切碎，用叉壓蓉牛油果及蛋黃，加入30ml配方奶攪拌，再加入碎蛋白撈均，ok!!

*我太貪心放得太多餡，夾完有一邊轉頭就爆開左😅如果爆餡，用叉壓幾下，就可壓返埋個爆口🤣~(相片附在留言)

磨菇汁翠玉瓜雞柳長通粉

第一次整磨菇汁，估唔到🍊好鐘意，其實我覺得賣相唔係咁靚😅不過又幾好味~🤣🤣

磨菇6粒
翠玉瓜少許(隨意)
無骨雞上脾半塊
椰菜一大片(可以不加)
洋蔥少許
配方奶70ml
無鹽牛油3g
芝士少許

1)早一晚將雞上脾洗淨切粒，用鮮橙汁醃一晚
2)長通粉煮10min，熄火焗20min備用
3)雞上脾落少許香草蒸熟，同時翠玉瓜及椰菜都一齊蒸熟
4)磨菇及洋蔥切碎，慢火下牛油煮溶，落洋蔥略炒，再落磨菇炒至軟身，加入配方奶煮兩三分鐘，然後倒入攪拌機，再加入蒸熟的椰菜攪拌成磨菇糊
5)磨菇糊倒回落鑊，加入雞上脾、翠玉瓜及長通粉煮一兩分鐘，加入芝士煮溶，ok!!

*如加入芝士後仍然覺得希，可加少少生粉水埋芡，不過我無加
*加入椰菜是想有少許菜，不加也可

懶媽料理~(電飯煲製作)超簡單😆無水蕃茄紅蘿蔔翠玉瓜粟米煮雞脾

唔洗睇火、一煲過唔洗煩、蕃茄仲可以撈飯，正!😆

雞脾2隻
蕃茄4個
紅蘿蔔1/3條
翠玉瓜半條
粟米1條
蒜頭2粒

雞脾前一晚用橙汁醃一晚，蕃茄、紅蘿蔔、翠玉瓜、粟米洗淨切件，蒜頭拍扁，備用。

將材料一層層放入電飯煲:最底蕃茄+蒜頭2粒➡️紅蘿蔔➡️粟米➡️翠玉瓜➡️雞脾放最頂，按著電飯煲煮飯掣，煮35min，ok!!

 

*翠玉瓜唔好切太細條，煮完會好淋，亦可配搭其他瓜類

芝士白汁雞肉粟米磨菇飯

唔鐘意食飯既🍊都差唔多食晒成碗😆

雞肉65g
磨菇1粒
粟米半條
芝士7g
蒜蓉少許
無鹽牛油3g
配方奶100ml
飯適量
麵粉1茶匙

雞肉切碎，用少少香草(我只鄧左一下)醃5min，磨菇切成小粒，切出粟米粒，慢火落牛油，將蒜蓉爆香，雞肉略炒，再加磨菇及粟米略炒，落1/3碗水加蓋將粟米煮淋，收水後加入配方奶及芝士，最後加入麵粉水煮至杰身熄火，舖在飯面ok~

瑞士卷(車厘子餡)(易潔鑊版)

 尋日有朋友話好想整野食俾bb，但又無焗爐，我今日就試下用易潔鑊整瑞士卷~連吉嫲都讚不絕口話好鬆軟好好味😆

雞蛋2隻
低筋麵粉50g
糖8g
油8g
配方奶40ml
車厘子5粒

車厘子醬做法:
洗淨車厘子，一開四，用最細火，倒入車厘子，一邊煮一邊壓爛車厘子，車厘子爛得8899後，加入半茶匙麵粉水(麵粉+凍水)煮至少少杰身便ok，放涼備用。

蛋糕做法:
先將蛋白與蛋黃分開，蛋黃、油、配方奶撈均，篩入低筋麵粉攪拌成蛋黃糊。蛋白加一半糖用打蛋器打一陣，再加入餘下的一半糖打至企身(約2min)(反轉碗也不會倒下)，將1/3的蛋白霜加入蛋黃糊中搞均，再將蛋黃糊倒入剩下的蛋白霜中輕輕搞拌。易潔鑊落幾滴油，再用廚房紙抹均，用最細火，倒入蛋糕糊，蓋上鑊蓋，我煮了大約10min，然後用筷子插入糊中，取出如無糊黏住便ok!放在牛油紙上並塗上車厘子果醬，趁熱時捲上(用牛油紙輔助)，將牛油紙兩邊扭實，好似粒糖咁🤤放涼後便可取出切件ok!!😁

*捲瑞士卷時要趁熱卷，因熱可造形，凍便定形
*捲第一下係有d難，不過只要用力少少捲實d，之後就唔難捲
*果醬不要舖得太多，我因加得太多，爆晒漿咁，捲到後半部要不'走'd果醬先可繼續捲😂😂

媽媽好物分享:老協珍-熬雞精

老實講🙊，我對呢類滴雞精認識唔太深，吉吉出世後我只飲過一個牌子既滴雞精，所以我無咩專業意見講得到，只可憑我既個人口味同感覺去分享😂

加熱方法好簡單，成包放喺熱水浸3分鐘，撕開包裝就可以直接飲，又幾方便喎~好適合我食個午餐都只可以用十分鐘就要去招呼吉既媽媽😪，台灣製造，熱量只有14kcal，所以加個生果用黎當早餐都唔錯，飲完體力同精神都增強咗~🤭朝早空肚飲吸收效果仲好

倒出黎顏色係金黃色，嗅一嗅好香雞湯味，飲一飲味道幾濃，都幾好飲，飲完唔知點解嘴裡面會有少少黏既感覺，睇返資料原來係因為有豬腩排所以有天然既膠原蛋白就會咁~整體感覺幾好😋👍🏻!連續飲咗6日，老實講面色暫時無話特別好咗，但作為新手媽媽咁日理萬機又想有啲湯水，佢絕對係好幫手🤣

原來之前徐若瑄40歲懷孕，因胎位過低，要長期卧床安胎，卧床接近4個幾月(媽媽好偉大😭)，而老協珍熬雞精係佢其中一款安胎食品~

補充返介紹佢既資料:
老協珍係台灣老字號品牌，已有80年歷史，佢對品質既要求同用花得到2018荷花ours《媽媽寶寶雜誌》最佳孕期滴雞精品牌首選，仲有台灣媽媽第一嬰母網站Babyhome市場調查中連續兩屆(2015、2017)「媽咪愛用品牌NO.1」同「好感度NO.1」既殊榮(每兩年市調一次)！

熬雞精成份單純，用咗第二代優質老母雞配豬腩排複方概念，以「熬工法」萃取豐富營養，蛋白質、胺基酸、膠原蛋白，無加任何中藥，營養比其他滴雞精品牌完整，每個年齡層、體質都啱飲用，例如有啲屋企人唔食中藥就可以飲！而且經過SGS國際檢驗合格，0膽固醇、0味素、0抗生素、0防腐劑、0塑化劑。

熬雞精包裝非常講究，內袋同日本知名製袋廠技術合作，專利4層不透光內袋，最裡層同奶瓶材質相同，其他滴雞精品牌裡只有老協珍的內袋包裝從日本進口，為既就係完整保存商品營養及風味，並確保檢驗無塑化劑同重金屬殘留，經過SGS國際安全檢驗合格，令人飲得好安心。

老協珍香港官網：https://lxz.com.hk

老協珍香港粉絲團：https://www.facebook.com/laoxiezhenHK/

#老協珍 #熬雞精 #滴雞精 #零防腐劑 #坐月食品 #方便 

花花杯子蛋糕🌹(超鬆軟喔～)

🍊好鐘意食，食左3杯~
(再加食半塊三文魚扒同幾條菜心🙊😂😂)

低筋麵粉40g
冰雞蛋2隻
糖18g(可按喜好減糖)
新鮮橙汁35g
蘋果半個
油6g(我用煮食的葡萄籽油)
*份量10杯(如太多，可將份量減半)

1) 蘋果連皮洗淨，切薄片浸鹽水避免氧化變黑
2) 浸鹽水後掠乾水份，平均舖在碟上蒸3min
3) 蛋黃與油撈均，加入橙汁攪拌，再篩入麵粉撈均，同時焗爐預熱140度
4) 蛋白用打蛋器打至粗泡時加入糖，然後打至企身(反轉碗也不會流下來，我打了大約4分鐘)
5) 將1/3的蛋白霜倒入蛋黃糊輕輕力撈均，然後將蛋糕糊倒回入餘下的2/3蛋白內輕輕撈均
6) 將蛋糕糊倒入模中至8分滿，將1塊蒸熟的蘋果片捲埋插在中間做花芯，然後在周圍擺上花瓣
7) 焗爐低層放水，蛋糕放至中層以做蒸焗效果。140度焗8min，轉120度焗16min，轉150度2min令表面水份烤乾，熄火焗2min，用牙籤或筷子插入蛋糕中，取出沒有蛋糕糊痴住便ok!!

*蘋果一定要切薄片，否則會沉到蛋糕糊中，並且一定要掠乾水份才放在蛋糕糊上
*每人焗爐火力不一樣，要間中觀察一下有否烤燶
*其實製作唔難，我覺得最難是將蘋果切薄片，我用左半個蘋果，但中途有d太厚無要到，有d又太薄爛左😂，我整左10杯蛋糕，但蘋果片只夠6杯用，如果我切得好d，應該都可以做到10杯😂😂

*小插曲:因蘋果連皮切，d皮有d難咬，吉唔係好食到，我就用交剪剪走個皮，得返d蘋果肉佢就食到😂下次整我可能會去埋皮，不過賣相就無連皮整咁靚lu~

BB月餅(超簡易版)

蕃薯200g(黃色或紫色都得)
牛油15g
糖15g
低筋麵粉65g
月餅模(size:50g)

蕃薯蒸熟壓蓉，焗爐預熱至160度，趁熱加入牛油及糖撈均，再篩入低筋麵粉撈均成粉糰，焗爐盤上放牛油紙，月餅模內掃少少油，取出35g粉糰搓做橢圓形，放入月餅模內，一手按實月餅模在牛油紙上，另一手按壓模8-10下，慢慢取出模，放入焗爐焗10min，ok!!
*焗至月餅表面少許硬身便ok，放涼後會再硬身少少，整體口感是軟身既~我覺得好好味😍

BB西多士(香蕉餡)

我食大家樂西多士，🍊食BB西多士~so heavy🙊🤣吉好鐘意食，食得快過我食茶餐😳

麥包/白麵包2片
香蕉半隻
雞蛋1隻
1)香蕉用叉壓蓉，塗在兩塊麵包之間
2)雞蛋打均，放入麵包，麵包要完全沾滿蛋液
3)易潔鑊落幾滴油，用廚房紙抹均，放入沾滿蛋液的麵包慢火煎至兩面金黃，再用筷子夾住麵包將四邊略煎，ok!!

*因為我剩左少少蛋液，所以我煎四邊時，每煎一邊會倒入剩餘的少少蛋液，唔好浪費😂

(蘋果蓉)茄蛋牛飯

(蘋果蓉)茄蛋牛飯~
之前我煮蕃茄飯都會落少少糖，今次改左落蘋果蓉，效果幾好🤤好味左!又健康左!!😆

蕃茄2個
蛋1隻
肥牛幾片/碎牛肉適量(因為我雪櫃得肥牛😂)
蘋果蓉隨意(我用左1/4個蘋果)
蒜頭2粒
芝士少許
1)蕃茄先十字烚3min去皮，切一開8備用
2)肥牛直接落鑊炒熟(不用落油)，剪碎備用
3)落幾滴油然後用廚紙抹均，將蛋炒熟備用
4)落幾滴油然後用廚紙抹均，落蒜頭爆香，落蕃茄略炒，加80ml水，大火熟滾後轉中小火煮5-7min，加入牛肉、蛋、芝士、蘋果蓉撈均，加1茶匙生粉水埋芡，ok!!

(圖中果煲野咁大煲，係因為連埋大人既份量😂)

蕃薯蘋果餅(製作容易)

蕃薯甜甜，再加上蘋果蓉，甜得黎又有d清新感覺🤣我覺得好好味~

蕃薯60g
蘋果蓉30g
蛋黃1隻
奶粉半匙

蕃薯蒸熟壓蓉，蘋果刮蓉，將所有材料撈均，不落牛油紙上，放入已預熱至180度的焗爐焗10min，再轉200焗多3min，OK!
*蕃薯壓蓉不用壓得太細滑，以至失去口感
*蘋果蓉份量可按個人口味加減
*刮蘋果蓉時流出黎既蘋果汁都加埋落去呀～😆
*我呢度得半條蕃薯(60g)(尋日食左半條🙊)，我之前試過用1條蕃薯，都係用返1隻蛋黃都ok，不用額外加蛋黃。
*呢個份量我整左12粒

自製星星餅😋(蕃薯味)(無糖)

蕃薯50g
低筋麵粉20g
無鹽牛油7g
蕃薯蒸熟壓蓉，加入牛油及低筋粉撈均，然後造型，入焗爐160度焗12min，輕微金黃就OK~外微脆內軟身🤤唔好焗太耐，表面會變硬!

(試左整2次星星形同1次圓形，其實圓形最理想😂，因為整星形果5隻角較受熱，所以5隻角會有d脆，脆身吉吉唔係好食到，而圓形受熱較平均，吉下午茶一次過食左三十粒😅😂😂)
(圓形做法我係搓成圓球狀，再輕輕壓一壓就ok)

粟米蝦餅~

之前俾過吉食兩次白焯蝦，佢都係食1隻就算，今次試整蝦餅，佢就食左3舊啦~😊

蝦4隻(我整左4塊)
粟米一小碌
生粉約2茶匙
粟米先蒸熟切粒備用，蝦去殼切碎，加入粟米及生粉撈均(因無加鹽，所以比較難起膠，因此要加多少少生粉)，細火慢慢煎，中途我有加少少水加蓋焗一焗，咁就ok!!!