有無人識佢地！？🙋🏻♀️識佢地既請舉手🤣
佢地係我兒時最鐘意既一套卡通片💕，記得其中一個主角千歲成日都“呵呵呵呵～”咁笑（🤣一講完立即有畫面），仲有佢地隻任天堂game，我超鐘意玩，尤其沙灘執貝殼果個小遊戲，正常係鬥執貝殼避海水，但同朋友一齊玩時，一定會鬥頂住對方等佢地俾海水沖走😂（但多時連自己都沖走埋🌊…有人同我一樣嗎？🤣）
我介紹俾吉吉識呢幾個公仔係咩卡通後～點知吉(指住華美子)答我：“下…我以為呢個係我黎”（😅有扎辮架喎……😂）
🥞造型pancake做法：
將已調配好的粉漿倒入唧袋，開最細火並在平底鑊上查少許油，用唧袋在平底鑊上畫出想要既公仔，畫好後可開大dd個火（真係大dd就夠），待粉漿煎成啡色後，再用匙羹將粉漿畢入平底鑊覆蓋整個公仔（注意不要出界），然後加蓋煮10秒後熄火，待5min後再重新開最細火，並用鑊鏟將pancake反轉，將這邊也輕輕煎一煎，完成！
技巧小貼士：
1，唔可以太幼，太幼煎煎下會縮起咁就唔上色，所以唧袋洞口要開得大小適中，太大又好難畫仔細位
2，最好一筆過書，但如果果一筆唧得太幼，就即時番兜畫，唔可以畫晒先再加筆，因為會不同色
3，畫好後轉大dd既火會易燶，要間中反起少少睇下有無燶（我試過繼續用最細火煎，但煎得太耐粉漿會縮得勁d，所以我覺大火dd令佢快上色比較好）
4，落第二次粉漿一定要用匙羹，我試過繼續用唧袋落漿，煎出黎會顏色唔平均同一條條痕
#幼兒食譜 #造型pancake #娛樂金魚眼 #華美子 #金比 #不良牛 #不良牛最易畫 #一take過pass #3yrs11m
