菠菜餃子皮+紅蘿蔔粟米雞肉餡😋

餃子真係好正🤭包咩都得，又可包多少少第日食~吉吉食左12隻!!
菠菜餃子皮+紅蘿蔔粟米雞肉餡
餃子皮食譜:
低筋面粉150g
高筋面粉50g(我無中筋，所以高筋撈低筋😂)
菠菜1條
烚熟菠菜切碎備用，菠菜水留起。
篩左面粉，逐少加入熱既菠菜水(約80度80ml)及菠菜碎，搓均就可包餡(搓既中途如太乾可睇情況加室溫水)。

 我無圓形模，所以我用奶樽蓋印d圓形出黎~😂

 有時印左出黎覺得太厚，我就會再用麵粉棍碌一碌薄d~

 一次過食唔晒就放入冰箱，留返聽日食😋

 淨左好多皮，所以整埋蝴蝶粉~
只需碌平佢，界開一個一個長方形，再用筷子係中間夾一夾，就變左蝴蝶粉啦～

我大約煮左13min就食得~如果想d皮淋d，可再焗多一陣先食，但唔好焗太耐，皮會爛。
餃子要烚，烚完用水浸住，我試過蒸但個皮好un🙈😅