《韓式拍攝面試相》

已經到左開始報幼稚園既日子，咁要去影面試相~上年吉整特區護照喺快圖美影$110(沒修圖)都ok，不過面試相又想影得再醒目d😂，就上網搜尋下資料有咩影面試相推介，大部分都要$380(好貴喔…🙈)，搵搵下就搵到呢間$200/12張(連修圖後檔案)既韓國證件相拍攝，媽媽我三年前韓國旅行時都影過證件相(超鐘意😆)，所以我就試影呢間!

影樓喺旺角地鐵站D3出口隔離既大廈，好方便~

不過大廈大堂要行4級樓梯先再有lift搭，所以想推bb車就要留意~

去到都有唔少人，我地等緊時再有2個家庭黎，最多人時有7個小朋友加3個大人既客人在場，不過職員行黎兩次同我地解釋前面有兩位小朋友影相有少少阻滯，所以要大家等多陣(好好禮貌同不停講唔好意思既)

去到登記完，我地就幫吉換衫，見到影樓都有掛左d恤衫、西裝外套、呔出黎俾大家借用，大約等左15min就到吉影~攝影師姐姐相機有個螢光毛毛圈套住吸引小朋友望鏡頭，亦有撩吉玩下，吉異常合作，望實鏡頭之餘，仲好努力擺出佢招牌三角型嘴笑容(笑得好樣衰呀喂🤣)，攝影師姐姐都爆笑但當然唔收貨，就叫我蹲喺吉隔離“吱”佢，全程約10min，攝影師俾我望下佢覺得好果幾張，收貨😆(如果覺唔ok可以再影)，大約等5min就有職員俾我地揀相，我地坐喺職員隔離，佢會初步睇一次d相(約三十張)，然後佢會揀出6張相推介俾我地，我地再揀出鐘意既一張，佢就會再執相，(佢調正返相片置正中、執走左口水泡、執整齊返d頭髮)執相執得好快，全個過程大約45min，整體我覺得幾好，製成品我同吉爸都超滿意😆
7月拍攝有優惠，會送所有拍攝原檔，仲會送9格表情圖~
(不過洗手間有少少污糟，換片的話要留意🙈)