《親子遊》觀塘7000呎playhouse試業

最近觀塘新開既7000呎playhouse“反斗研究所”大熱，身邊好多媽媽都話去🤣岩岩星期日我地就約朋友去左玩~我覺得真係幾正幾多野玩，但可能因為新開試業既關係，各方面都有d亂😅想最近去玩既朋友就要有心理準備🙈而家先君子後小人，分享下有乜好玩先再講缺點😂
🔴🔵波波池+擧爬區+投影遊戲區:

一入去望右邊就有個波波池，波波池中有擧爬區，

行入去擧爬區下層，有兩個類似韆鞦咁既座位(其實佢係似廟宇敲大鐘果碌木棍😂)，

行入d有個類似公園既過三關，

行返出d可經繩網隧道爬去上層，

又可以行樓梯上去，

上到去就有條旋轉滑梯sir返落下層~

唔玩旋轉滑梯既話，可經獨木橋行過去玩約1.5米濶既滑梯，

滑梯旁有投影遊戲~

🍎🛒超市區:

行去另一邊有超市區，有好多唔同既蔬果，仲有購買車~

旁邊就有收銀機可扮收錢，仲有個廚窗櫃，裡面有d蛋糕俾你扮賣，隔離有架美食車仔，有甜甜圈鬆餅賣，

d甜品鬆餅整得好似真，

特別有一杯黑糖珍珠奶茶超似!🤣

🍳廚房區:

隔離係廚房區，有亦係有好多好多既食物玩具，

我仲見有個雪櫃，好搞笑，但由於太多人，所以我地無玩。

👸🏻化妝區:

有2張化妝枱，仲有個化妝櫃(我第一次喺playhouse見到)，當中有粉底,眼影,唇膏,化妝掃,指甲油等等既玩具，

吉好開心狂玩，因為平時我化妝佢已經好想玩我d化妝品，而家可以暢玩，佢好開心🤣

隔離有個大衣架，小朋友可以揀衫做角色扮演，再經旋轉樓梯企上去小平台影相~

🎣釣魚區:

有魚竿同魚網俾你喺水度撈d海洋動物玩具上黎

🛠工程區:

好多大型既積木砌砌砌，

仲有工程背心同黃色帽做角色扮演~

仲有兩張玩具工程枱，有螺絲批、鎚仔等等

🌲木粒池:

好似沙池咁，有d鏟、泥頭推車、玩具車等

🏕草原區:

有間屋仔、有個帳篷，

周圍仲有d動物跳跳馬，又有d車仔可以坐，

仲有少量幼兒玩具

🎨電子填色區:

可在枱上的螢幕中將恐龍填色，然後送出，自己填色的恐龍就會在牆上的大螢幕出現

馬路區:

一個大S型既行車路線，仲有個加油機可扮加油

🔹️Lego牆區:

有d Lego可以砌喺牆上面

補充:租儲物櫃好抵，只係$10一日~facebook有影片介紹點樣由觀塘地鐵站行去，我一路睇一路行，都唔難去~

缺點:
1)無網上預約系統，只可walkin排隊，1pm開始可以全日任玩，我地12:50到，要1:35先入到去(不過26/7開始可網上預約了，但無左全日任玩，改為分時段及增加清潔時間，我覺咁仲好呀~)
2)超多人!尤其遊戲區“化妝區、木粒池區、廚房區”好似行花市咁，

2:15pm我忍唔住問職員有無限制人流，上限幾多人，職員說限200人，但我同朋友都覺得200人對於整個遊戲區黎講會太迫
3)無限小童身高或年齡，有d年紀大既小朋友喺波波池瘋狂玩，好易撞到年紀小既小朋友
4)無休息區，好多家長坐在波波池邊，有d似浸腳…或者有d家長會坐喺草原區窗邊
5)木粒池有兩架“推泥頭車”，由於人流太多行兩步都難既關係，架車個手柄好容易撞到，有時小朋友唔為意，仲容易整傷眼睛，⚠️要注意!!

6)投影遊戲旁就係樓梯，幾次都見有年紀大既小朋友為左打個螢幕高處既怪獸，企喺樓梯度但伸左半個人出去，但下面就有小朋友企喺度，如果上面既小朋友玩得太興奮唔小心跌落黎就會受傷，仲會壓住下面既小朋友

6)換片室門夾手指😭佢係趟門，換完片我開門時，吉突然幫手一齊推門，大大力既佢一推，我既手指就同隻門一齊入左條門罅度(夾到我甩皮😭)⚠️要小心!!!

7)入場要帶手帶，手帶中有個QR code，進出可自行嘟code開閘，但10 次有9次都嘟唔到，由放儲物櫃喺閘外，拎水拎衫拎片換都要叫職員開閘進出，有d麻煩

8)鈎魚區有4-6件防水衣提供，但只係搭喺旁邊既欄上面自取，有點亂，我拎時件衫袖好濕，所以我初初只係遮住吉既心口同肚腩，等件衫乾d先著上去，拖鞋都有，但好似得一兩對，但因為地下都有d水，所以我唯有蹲低，叫吉企喺我大脾上面玩，因為我唔想佢整濕對襪

總結:其實個場真係幾正，不過想最近去既朋友就要包容下注意下，或者等一兩個月，等佢地運作暢順左先去可能好d🤣