《親子遊》 D Park 恐龍體驗館(免費入場)

恐龍體驗館喺 Donut Village裡面，當中分左6個唔同既區域:1-發音，2-視覺，3-味覺，4-動感，5-聲音，6-學懂。
先喺登記處，其實係喺登記處like兩個官方facebook同訂閱一個YouTube頻道，職員就會俾張任務卡你，就可以開始做任務~

Zone1發音:帶上headphone, 就會教你點讀唔同品種既恐龍英文名~然後跟住講岩兩款恐龍名(每一隻都好難讀…點解恐龍d名咁長!?😂)，再係任務紙上寫返恐龍中英文名同畫返個恐龍樣，咁就完成任務~(吉當然唔識讀，但佢帶住headphone再自己㩒幾下個螢幕，我再捉住佢手仔一齊畫恐龍，佢就好開心覺得自己完成任務🤣)

 Zone2-視覺:用d夜光電筒照住牆就可見到恐龍既簡單資料，答返任務紙上既簡單選擇題就ok!(其實果度唔係黑晒，係有光既，所以唔拎電筒其實都睇到資料，咁所以就我有我答選擇題，吉有吉自己玩電筒😂不過離開視覺區，我就捉佢手仔圈返有關答案，佢又覺完成任務🤣)

 Zone3-味覺:睇返餐廳同小食店既新出恐龍食品，再答返任務紙上既簡單選擇題就ok!(我叫吉揀返食品既圖案同紙上既圖案一樣就圈住佢)

Zone4-動感:企係螢幕前原地跑，螢幕上你代表既動物就會感應到跟住你跑進行賽跑比賽!(吉一開始只係手動腳唔動，好好笑!最後用左22秒完成)

 Zone5-聲音:用任務紙上既QR code插入大恐龍旁既機，就會有恐龍大叫聲~影張相就ok!(第一下吉有d驚，但佢之後玩上引，不停插入任務紙，務求令隻恐龍狂叫😂)

Zone6-學懂:牆上簡單資料介紹一下恐龍絕種可能因地球暖化，教育一下大家如何環保(我向吉簡單講下點環保，佢一頭霧水咁聽🤣)

最後去禮品處交上任務紙俾職員望下，再post恐龍合照上fb，就會有小禮品(一包餅仔，一張恐龍貼紙同台式飲品優惠卷)

其實我覺似我玩多過吉玩，不過當晚暗訓覺時，我問吉聽日想去邊，佢竟然答我再同恐龍玩~估唔到佢咁鐘意😆

星期六、 日或公眾假期3pm-5pm仲會有迅猛龍同大家見面影相🤣
活動資料:
《免費入場》
日期：18/4 – 14/7
時間：11am– 9pm
地點：D.PARK Level 1, Donut Village